Videopoemas presentados

Xa comezan a chegar os vosos traballos. Imos facer un pequeno concurso. A ver quen son os gañadores.

 Que marabilla!!

Aí vai o primeiro: MARÍA QUINTERO, 1º ESO A

XOEL CATOIRA, 1º A

ADRIÁN RODRÍGUEZ LISTE, 1º C

21 de marzo: Día mundial da Poesía

Imos celebrar o Día Mundial  da Poesía lendo e traballando coa poesía
TRABALLO VOLUNTARIO: UN videopoema.
Debará ter:

• Portada- primeira lámina ( deberá figurar o título do poema, autor  e  libro e data)
• Deberá ter imaxes ou vídeo ( valorarase a relación co poema)
• Deberá ter o poema recitado ( valorarase o recitado)
• Poderá ter música de fondo
• Debará figurar ao final a autoría do traballo

1º POEMA
Lúa

A lúa é velliña
de brancos cabelos
de enrugas de ouro
e de olliños cegos.

Érguese do leito
das foulas do mar
palpando os espazos
para camiñar.

Anda polo mundo
sen ver a onde vai
pois as estreliñas
lévana na man.

Envolta en néboas
hase de abrigar
pois como vai vella
tense de coidar.

Cando na outra noite
brúa o temporal
a lúa entre as tebras
tápase a tremar.

E así que o mal tempo
amainado vai
asoma a faciana
¡espalla o luar!

Luis Amado Carballo: O galo (1928)

Exemplo de videopoema

2º POEMA 

Chove en Santiago (Federico García Lorca)

Chove en Santiago
meu doce amor.
Camelia branca do ar
brila entebrecida ô sol.

Chove en Santiago
na noite escura.
Herbas de prata e de sono
cobren a valeira lúa.

Olla a choiva pol-a rúa,
laio de pedra e cristal.
Olla no vento esvaído
soma e cinza do teu mar.

Soma e cinza do teu mar
Santiago, lonxe do sol.
Ãgoa da mañán anterga
trema no meu corazón.

                 Seis poemas galegos, 1935


3º POEMA

"O MEU BARCO" 

Teño un barco de xoguete

e nel me quero embarcar.

Polos mares dos meus soños

quen me verá navegar!

Navegarei por mil ríos

sete mares hei cruzar.

No meu barco de xoguete

cansarei de viaxar!

No meu barco de xoguete,

mariñeiro e capitán...!

Non teño medo ó trebón

nin me asusta o furacán!

O meu barco de xoguete!

O meu barco moito val:

verei terras, verei illas,

verei mares de coral...!

Andei tódolos mares!

Xa cansei de navegar

                    Os soños da gaiola, Manuel María